2023 ОНЫ 3 ДУГААР САРЫН сҮҮЛЧИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

Температур: Агаарын дундаж температур Дэлгэрэх суманд 0.1 градус, Айраг суманд 0.2 градус хүйтэн, бусад сумдын нутгаар 0.3-5.0 градус дулаан, олон жилийн дундажтай харьцуулбал нийт нутгаар дунджаас 2.9...5.4 градусаар дулаан байлаа. Үнэмлэхүй их температур өдөртөө Хөвсгөл суманд 22 градус дулаан, үнэмлэхүй бага температур шөнөдөө Дэлгэрэх, Эрдэнэ сумдад 19 градус хүйтэн байв.

Хөрсний гадаргын дундаж температур нийт нутгаар 1-10 градус дулаан, үнэмлэхүй их температур өдөртөө Замын-Үүд суманд 43 градус дулаан, үнэмлэхүй бага температур шөнөдөө Замын-Үүд, Мандах, Дэлгэрэх, Иххэт сумдад 20 градус хүйтэн байлаа.

Хур тунадас: Энэ 10 хоногт Дэлгэрэх суманд 0.0 мм, Иххэт суманд 0.6 мм хур тунадас орсон. Бусад нутгаар хур тунадас ороогүй. Орсон хур тунадасны нийлбэрийг олон жилийн дундажтай харьцуулахад: Иххэт сумын нутгаар ахиу,  Дэлгэрэх сумын  нутгаар дунджаас бага байлаа.

Салхи: 10 хоногт салхины хамгийн их хурд Айраг суманд 29 м/с,  Сайншанд, Мандах сумдад 27 м/с, бусад сумдын нутгаар 17-24 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо 3-7 өдөр байв.

Цасан бүрхүүлийн байдал: Нийт нутгаар цасан бүрхүүлгүй байлаа.

МАА-н үйлдвэрлэлд: Мал төллүүлэх, нэмэгдэл тэжээл өгөх ажил үргэлжлэн хийгдэж байна.